‘n Tassie vol hoop vir graad 1 leerders
Die Solidariteit Helpende Hand Skooltassieprojek help jaarlikse duisende graad een leerders in nood met 'n skooltassie met skryfbehoeftes vir die nuwe skooljaar.
Solidariteit Helpende Hand kon weer vanjaar uitreik na twee plaaslike skole waar skooltassies as deel van die organisasies se Skooltassieprojek oorhandig is.
Vir die 2026-skooljaar is tien skooltassies by Parys Christelike Skool oorhandig, en agt by Primêre Skool Parys om graad 1-leerders op die eerste dag van die nuwe skooljaar te kan verwelkom. In elke tassie is ook skryfbehoeftes wat die leerders sal benodig.

Helpende Hand sit sedert 2007 skooltassies in behoeftige graad 1 leerders se hande om hierdie leerders in staat te stel om hul akademiese reis op gelyke voet met hul skoolmaats te kan begin.

Individue en besighede wat by die Skooltassie-projek betrokke wil raak, kan die webwerf www.tassie.co.za besoek vir meer inligting.



