Daar sal vanoggend nog twee sluishekke om 10:00 en 12:00 onderskeidelik by Vaaldam toegemaak word.

Dit sal dan beteken dat daar nog twee sluishekke teen vanmiddag by Vaaldam oop sal wees. Die dam is nou 100,74% vol.

By Bloemhofdam word uitvloei vanoggend om 10:00 nog verder verminder na 600 kubieke meter per sekonde. Bloemhofdam is nou 99,25% vol.

By die Barrage is water om 07:00 vanoggend uitgelaat teen 526,7 kubieke meter per sekonde.

Minder reën is vir die week voorspel met hoofsaaklik reën wat na die naweek toe verwag kan word.