Hay-din Oelofse van Primêre skool Parys het tydens die Desember-vakansie die Vrystaat o13A-span by die Nasionale Oewerhengel-kampioenskappe verteenwoordig, waar hy nie net eerste uit 61 hengelaars op die finale ranglys eindig nie, maar ook die toekenning as Victor Ludorum ontvang het. Hy het ook die grootste karp by die kampioenskap gevang.  

Daarbenewens het sy span self uitgestaan as kampioene van die SA-kampioenskap met ‘n goue medalje wat hulle as wenners van die A-afdeling  verower het.

Hay-din het na afloop van die kampioenskap sy SAVOF-kleure ontvang, en is ingesluit in die Suid-Afrikaanse Varswater Oewerhengel Federasie (SAVOF) o13A-span wat in September vanjaar gaan toer.