‘n Pluimpie vir die provinsiale paaie departement se James Nkabinde wat binne twee dae nadat ‘n gevaarlike slaggat op die R59 tussen Parys en Vredefort by die Vaal de Grace-ingang gerapporteer is, seker gemaak het dat die slaggat herstel word. Volgens rdl. Saal de Jager het Koos Uys die slaggat Saterdag, 29 Oktober onder sy aandag gebring juis omdat verskeie motoriste hier skade aan hul voertuie gehad het en daar ook al ongelukke juis op die gedeelte van die pad was. Rdl. De Jager het dit aan die paaie departement gerapporteer en Maandag, 31 Oktober is dié slaggat en nog ‘n paar kleintjies deur die paaie departement herstel. Dankie aan Koos wat nie net die slaggat gerapporteer het nie, maar ook saam met ‘n werker die stormwatersloot by die gedeelte van die pad skoongemaak het om seker te maak die pad kry nie weer skade nie.
So het dit gelyk voordat die slaggat reggemaak is.
