News

Pitbull-aanval: Hof sit weer in November

Kokolosi moes ‘n lang tyd in die hospitaal deurbring en het al verskeie rekonstruktiewe operasies ondergaan.

Chandré van der Linde en haar lewensmaat, Marno Mostert, wat beide aangekla word ingevolge die Wet op Diereaangeleenthede, sal vanaf 6-7 November 2023 weer in Potchefstroom voor die hof verskyn.

Getuies sal dan deur die staat geroep word.

Die saak spruit uit ‘n voorval toe die 48-jarige Dipuo Kokolosi se gesig deur Pitbull-honde op 25 Januarie 2022, verskeur is. Kokolosi het ten tyde van die voorval as huishulp vir Van der Linde gewerk.

Die honde het Kokolosi se neus, lip, en oorskulpe afgeruk en ook ander dele van haar liggaam gebyt. Ziggy Abdullah, ‘n buurman van Van der Linde, het op daardie dag tot Kokolosi se redding gekom en uit selfverdediging die honde doodgeskiet nadat hy ‘n waarskuwingskoot afgevuur het.

Kokolosi moes ‘n lang tyd in die hospitaal deurbring en het al verskeie rekonstruktiewe operasies ondergaan.

 

 

Related Articles

 
Back to top button