Terwyl daar vandag begin is met herstelwerk van die draad weerskante van die loopvlak by Parys se bekende hangbrug oor die Vaalrivier, het vandale sowaar weer hul merk die afgelope paar dae by die brug gelaat. Dit nadat daar al die afgelope weke hard gewerk is om die brug heeltemal te verf, skoon te maak, padmerke en straatname te verf en vloedskade te herstel. Alles uit eie sak danksy ‘n inisiatief van ‘n inwoner van Parys, Stephanie Fourie, en ‘n handjievol vrywilligers en sakelui wat haar inisiatief ondersteun en help om hierdie groot taak gedoen te kry.
Stephanie se idee om die hangbrug weer netjies te kry is juis geïnspireer deur die feit dat dit een van die dorp se groot toerisme trekpleisters is, maar oor jare wil vandale maar net nie die brug uitlos nie.
So het dit gelyk voordat Stephanie en haar span die brug geverf het.
So hr
Kyk hoe spoggerig lyk dit noudat die brug weer netjies geverf is.
Maar hoe sê die spreekwoord – Net gekke en dwase skryf op mure en glase.
Die afgelope week het vandale op die geverfde brug weer hul merk kom maak.
