Tyd is besig om uit te loop vir kiesers om nog te kan stem. Stemlokale sal landwyd om 21:00 sluit. Daarna sal jy nie meer kan stem nie.
Teen 17:00 vanmiddag het daar nog ‘n lang ry kiesers by die sysaal van die stadsaal, die NG Wes-gemeente en die Rotary-saal gestaan, maar volgens aanduidings is daar nog heelwat kiesers wat moet stem.
By die Rotary-saal het daar teen 15:00 vanmiddag nog net 408 van die verwagte 840 geregistreerde kiesers gestem.
By die sysaal van die stadsaal was daar deurlopend deur die dag fluks gestem met 660 van die verwagte 883 geregistreerde kiesers wat teen 15:00 gestem het
By die Wes kerk het daar teen net na 19:00 nou 1054 van die 1781 geregistreerde kiesers gestem.
Stemlokale in die Tumahole-woonbuurt was vanoggend besig maar was stil teen 16:00 toe stemlokale besoek is.
Onthou as jy gaan stem moet jy jou ID boekie of ID kaart saamneem. Afskrite van ID’s sal nie aanvaar word nie. Ook nie paspoorte of bestuurslisensies nie.
Onthou ook jy sal slegs kan stem waar jy geregistreer is.
