n Totaal van 103 pare skoene is aan Epilepsie SA se Vrystaat/Noordwes-sentrum in Parys oorhandig danksy die Tekkies Brand-projek wat saam met leerders van Hoërskool Parys aangepak is om seker te maak dat niemand in hierdie koue sonder skoene sal wees nie.

Parysenaars kon verlede week bydra tot die projek, en is fluks gehelp om die skoene  te sorteer en gepas te kry vir die sentrum se inwoners.

Die skoene wat oor is gaan na daar waar nood is onder hoërskoolleerders.

Dankie vir elke leerder wat bygedra en gehelp het met die projek, die Parys-gemeenskap wat hul harte oopgemaak het vir die sentrum, Chané Grimbeek vir die inisiatief en hulp met die projek, en Wian Viviers vir die bemarking en skakeling met die skool om van die projek ‘n sukses te kon maak.