Renier de Villiers, ‘n oudleerder van Parys, is ingesluit in Atletiek Suid-Afrika se voorbereidingspan van 76 atlete met die oog op die Wêreld Atletiekkampioenskappe wat in September in Tokyo, Japan gehou word.

Die atlete sal egter die vereiste kwalifiserende tye en kriteria moet behaal om uiteindelik in die nasionale span vir die Wêreldkampioenskappe ingesluit te word.

Renier, ‘n 800m atleet, het pas ‘n 26 dae oefenkamp in Dullstroom bygewoon waar hy saam met top atlete van Amerika geoefen het as deel van sy voorbereiding vir die kampioenskappe.

Hy word afgerig deur Jean Verster en is deel van die Potch Track Club (PTC).