
Arrie Pietersen wat vir jare vir die Vrystaatse Onderwysdepartement as opvoedkundige sielkundige by skole in die distrik gewerk het, is op 11 Desember oorlede. Hy was 72 jaar oud.
Arrie was die afgelope 20 jaar ‘n inwoner van Parys en was voorheen van NamibiĆ«.
Hy begin in 1992 as opvoedkundige sielkundige by die Vrystaatse Onderwysdepartement in Sasolburg, en tree in 2016 af as kliniekhoof van die departement.
Hy het ook ‘n private praktyk in Vaalpark gehad, waarvan hy die laaste twee jaar van sy huis in Parys gewerk het.
Arrie was alom bekend en geliefd deur vriende, familie en talle kinders wat hy met leerprobleme gehelp het.

Hy word oorleef deur sy vrou, Yvonne, seun, Arno, en dogter, Carina, asook sy drie kleindogters, en susters Devilla en Carol.
Die gedenkdiens vir Arrie sal op 25 Januarie in Parys gehou word.
Hy sal onthou met net die mooiste herinneringe onthou word. Ons opregte medelye aan sy familie.