Die polisie het bevestig dat ‘n man se liggaam Woensdagoggend vroeg in ‘n hoogspanningskabelkas in Schochetstraat in Parys se nywerheidsgebied gekry is waar hy doodgeskok is. Verbygangers het die man sien lê en dit gerapporteer.

Dit is bevestig dat die kas se slot geknip was en daar gepoog is om die hoogspanningskabel te knip. Geen verdere inligting oor die voorval is op hierdie stadium nog bekend nie.

’n Nadoodse ondersoek sal ingestel word.

Parys en Vredefort gaan vir ‘n geruime tyd al gebuk onder gereelde voorvalle van diefstal en vandalisasie van die kragnetwerk.