‘n 85-Jarige pa van Bloemfontein staan nou tereg op ‘n klag van moord nadat sy 56-jarige seun, Maandagaand in die Pelenomi-hospitaal in Bloemfontein beswyk het aan ‘n skietwond in sy nek

Die oorledene, Erich Bruhns, was ‘n sakeman van Bainsvlei.

Polisiewoordvoerder sers. Mahlomola Kareli, het bevestig dat die klag van strafbare manslag na moord verander is na die dood van die seun.

Sers. Kareli sê Erich Bruhns is Saterdag in die hospitaal opgeneem nadat hy na bewering deur sy pa geskiet is in Midhurst Avenue,

Die beskuldigde, Gert Bruhns, is kort daarna in hegtnis geneem nadat hy na bewering van die toneel gevlug het.

Sers Kareli sê beslag is tydens die arrestasie naby die N1-hoofweg, gelê op ‘n gelaaide vuurwapen met ekstra ammunisie

Gert Bruhns sal weer op 29 April voor die hof verskyn vir ‘n formele borgaansoek.