In ’n noodgeval tel elke sekonde. Of dit nou ’n mediese krisis, ’n huisinbraak of ’n rooftog is — die vermoë om onmiddellik hulp te ontbied, kan die verskil  tussen lewe en dood beteken. Daarom is die installering van ’n paniekknoppie een van die doeltreffendste veiligheidsmaatreëls.

“Ongelukkig gebeur ‘n roof of huisbraak dikwels so vinnig dat huiseienaars  min tyd het om te reageer,” sê Charnel Hattingh, Groepshoof van Bemarking en Kommunikasie by Fidelity Services Group. “’n Paniekknoppie bied onmiddellike toegang tot noodhulp – veral in situasies waar jy nie by jou foon kan uitkom of ’n oproep kan maak nie. Dit kan ook van kritieke belang wees tydens mediese noodgevalle, waar elke sekonde saak maak.”

Paniekknoppies is die doeltreffendste wanneer dit geïntegreer word in ’n  sekuriteitstelsel wat alarmstelsels, CCTV en gereelde sekuriteitspatrollies insluit. Hierdie toestelle bied ’n direkte skakel met jou sekuriteitsverskaffer, wat verseker dat gewapende reaksie-eenhede vinnig ontplooi word sonder dat jy tyd mors om te bel tydens ’n krisis.

Hattingh wys verder daarop dat paniekknoppies nie net vir misdaadverwante noodgevalle bedoel is nie:
“’n Groot deel van ons oproepe hou verband met mediese insidente,” sê sy.

Hou die volgende wenke in gedagte

• Weet waar hulle is: Installeer paniekknoppies in kamers wat gereeld gebruik word, soos slaapkamers, kombuise en sitkamers.

• Toets dit gereeld: Maak seker die paniekknoppie werk behoorlik deur dit gereeld te toets.

• Gaan mobiel: Oorweeg ’n draagbare paniekknoppie vir gebruik buite of wanneer jy nie tuis is nie.

• Leer jou gesin: Verseker dat elke gesinslid weet hoe en wanneer om die knoppie te gebruik.

• Koppel direk: Maak seker die paniekknoppie is direk gekoppel aan jou sekuriteitsdiens vir die vinnigste moontlike reaksie.

“Veiligheid gaan oor proaktiewe optrede,” sluit Hattingh af. “’n Paniekknoppie is dalk ’n klein toevoeging tot jou huis se sekuriteit, maar dit kan ’n enorme verskil maak in ’n noodsituasie. Dit gaan nie net oor gemoedsrus nie – dit gaan daaroor om te weet dat hulp reeds onderweg is wanneer iets verkeerd loop. Deur hierdie eenvoudige maar kragtige hulpmiddel in jou huis te hê, gee jy jouself en jou geliefdes die beste moontlike kans om veilig te bly.”