’n Man is Maandag in die Bethlehemse landdroshof ‘n boete van R12 000 of vyf jaar gevangenisstraf opgelê nadat hy probeer het om ‘n polisiebeampte met geld om te koop in ruil vir hulp met voertuiglisensie hernuwings wat geblok was.

Shiven Arnold Loopoo (33) is op 5 Junie 2025, na die kantoor van die Bethlehem Eenheid vir Ernstige Korrupsie-ondersoeke waar hy na bewering die geld aan die ondersoekbeampte aangebied het in ruil vir hulp met die lisensiehernuwings.

Die beskuldigde het later die aanbod herhaal en is daarna deur lede van die ondersoekspan in hegtenis geneem.

Die beskuldigde het op 6 Junie 2025 in die Bethlehem Landdroshof verskyn en die saak verskeie kere uitgestel vir verhoor. Die hof het die beskuldigde daarna skuldig bevind aan korrupsie.