Met Nampo wat vandag afskop op die Oesdagplaas buite Bothaville, moet motoriste minstens 10-15 minute ekstra rytyd inreken weens ‘n stop/ry-beheerpunt op die R59 tussen Parys en Vredefort.

‘n Kontrakteur is steeds besig met permanente herstelwerk aan die teervlak.

Herstelwerk aan slaggate op die R59 tussen Parys en Sasolburg is verlede week weer gedoen, terwyl tydelike herstelwerk soos nodig op die R59 tussen Vredefort en Kroonstad, en tussen Vredefort en Viljoenskroon gedoen word om slaggate op dié roetes te vul.

So lyk die toestand van paaie wat lei na Nampo:

• R30 tusssen Bothaville en Orkney – Oop en toeganklik vir verkeer
• Parys na Viljoenskroon – Baie slaggate, wees versigtig. Wees ook bedag op verkeer
  wat herlei word weens vloedwater.
• Viljoenskroon na Bothaville – Pad in goeie toestand
• Bloemfontein via Allanridge na Bothaville – Vloedwater tussen Theunissen en
  Welkom, pad gesluit
• Bloemfontein, Bultfontein, Welkom, Bothaville – Pad in goeie toestand
• Bloemfontein via Wesselsbron na Bothaville – Baie slaggate, wees versigtig
• Potchefstroom na Klerksdorp – Sinkgat by Stilfontein, gebruik eerder die Orkneypad (daar is wel slaggate)
• Klerksdorp na Bothaville via Orkney – Pad in goeie toestand
• Kroonstad na Viljoenskroon – Pad in goeie toestand
• Kroonstad na Bothaville – Pad in goeie toestand
• Hoopstad na Bothaville – Pad in baie swak toestand (onder konstruksie)
• Leeudoringstad na Bothaville – Pad in goeie toestand
  Wees uiters versigtig op grondpaaie.

Die Nampo Oesdag eindig 15 Mei.