Speurders in Oranjeville het die hulp van die publiek gevra om die familie van ’n onbekende man op te spoor wie se liggaam uit die Vaaldam gehaal is.

Volgens sersant Josephine Rani het die polisie in Oranjeville Maandag, 18 Mei omstreeks 12:10 klagte gekry van ’n liggaam wat in die dam naby die rioolaanleg in Metsimaholo dryf.

Die oorledene was geklee in ’n roomwit bostuk met rooi strepe, geel oorpakbroek, ’n bruin gordel, swart sokkies en swart skoene.

Enigiemand wat die beskrywing van die oorledene herken of inligting het wat kan help om hom te identifiseer, word gevra om speursersant Tshokolo Motloung by 082 301 3004 te kontak, of Crime Stop te skakel by 08600 10111.

Anonieme wenke kan via die MySAPS-toepassing deurgegee word.