Sowat 190 boerperde is verlede week trots by die Toyota SA Boerperd Nasionale Kampioenskappe vertoon, wat by die AfriDome in Parys gehou is.

Die driejarige Hesmarie van Zyl van Reitz was onder die kinderruiters wat aan die Leiriem-klas vir ruiters twee jaar en ouer deelgeneem het.

Haar ma, Hester, vertel dat Hesmarie klein-klein begin perdry het en afgerig word deur haar pa, Willem. Die Toyota SA Boerperd Nasionale Kampioenskappe was die tweede skou waaraan Hesmarie deelgeneem het.

Haar ouers het die Wilhes SA Boerperd-stoet. Boerperde is ‘n veelsydige Suid-Afrikaanse perderas wat bekend is vir hul uithouvermoë en goeie geaardheid.

Dié perde blink uit in verskeie ruitersportdissiplines.