Hoërskool Parys sal hierdie Saterdag 8 Junie op Hoërskool Stofberg se rugbyvelde in Brakpan nie minder nie as drie van sy spanne in aksie hê vir die Valke semi-finale kragmeting.
Die skool se eerste en tweede spanne sal teen Elspark speel met die o.15’s gaan kragte meet teen Hoërskool Voortrekker.
Dit nadat Parys verlede naweek by die DP de Villiers-stadion in Sasolburg geskitter het met ’n geskiedkundige oomblik waarin al drie die skool se spanne gekwalifiseer het vir ‘n plek in die semi-finale uitspeelwedstryde asook vir ‘n plek in die 2019 Virsebeker-kompetisie.
Die skool se o.15’s het Belvedere toe met ‘n skitter telling van 40-7 gewen. Die tweede span het hul wedstryd gewen met 26-0, en die eerstespan het geskitter met 52-10 teen Hoërskool Voortrekker.
Parys se eerstes en die o.15’s het hierdie seisoen tot dusver al hul ligawedstryde gewen.
Dié aksiefoto’s is geneem deur Sybil Joubert met die eerstespan se kragmeting verlede Saterdag teen Hoërskool Voortrekker.
Geluk aan al die spanne en hul afrigters en sterkte vir die naweek se wedstryde wat voorlê.
