Deelnemers aan die SA Nasionale Cross Country reeks (SACCS) is tans besig met hul sesde en finale rondte vir die seisoen by die Parys-veldveld waar groot aksie, modder en spoed die adrenalien laat pomp.

Daar is vroegdag Saterdag 2 November weggespring met gister se welkome reën wat gesorg het vir nog meer modderplesier. Om 11:00 is al die deelnemers terug by die vliegveld waar eers rugby gekyk sal word in die markiestent met sy groot skerm, waarna daar weer om 13:15 weggespring word vir die tweede rondte.

Al die aksie kan by die Parys-vliegveld beleef word en toegang is gratis.

Jy kan ook al die aksie op die RallySafe selfoon toepassing volg.