Die polisie het nege mense gister in hegetnis geneem nadat hulle in ‘n informele nedersetting ‘n winkel geplunder het.

Volgens Brigadier Sabata Mokgwabone, polisiewoordvoerder, staan dié nedersetting as ‘Serope” bekend.

“Daar is met kommer kennis geneem dat, ten spyte van ‘n pleidooi wat aan ouers gedoen is om te verseker dat kinders nie in kriminele betogings gebruik word nie, sommige kinders by Extension 11gesien is, waar hulle versperrings in die pad geplaas het en voertuie met klippe bestook het. Die polisie wil herhaal dat misdadigheid nie geduld sal word nie en dat diegene wat misdaad pleeg, swaar gestraf sal word,” het Mokgwabone gesê.

Volgens hom is die polisie steeds besig om inligting rondom verskeie ander winkels wat Promosa geplunder is in te samel.

“Die uitdaging is dat die winkel eienaars wat meestal buitelanders is, huiwerig is om verkalrings te gee,” het Mokgwabone gesê.

Hy het eienaars gemaan om verklarings af te lê sodat die polisie kan beter ondersoek instel.

https://www.citizen.co.za/potchefstroom-herald/local-news/2024/08/19/kyk-chaos-breek-in-promosa-uit/

Gister se betogings is glo oor die verhoging in elektrisiteit en munisipale dienste tariewe. Die N12 wat verby Ikageng verby gaan was was vir ‘n gedeelte van die dag in albei rigtings versper gewees. Die pad is nou weer oop, maar motoriste word gemaan om steeds versigtig te wees.