Volkies se 1ste XV het Saterdag in die doodsnikke teen Eldoraigne in die Noordvaal Bowl afdeling se hlafeindstryd met 24 – 23 verloor.

Volkies was voor, tyd was verby en toe gebeur dit. ‘n Strafskop, Eldoraigne se kookwater heelagter, JP Meyer, mis nie sommer ‘n skop nie. Hy breek Volkies-harte deur sy derde doelskop deur die pale te jaag.

Volkies kan trots wees met die manier hoe hulle die seisoen afgesluit het. Die Potchefstromers was gereken om ‘n impak op vanjaar se kompetisie te maak nie. Hulle het aan die begin van die seisoen gesukkel, en is boonop deur verskeie beserings ook gekelder.

“Ek is baie trots op die seuns. Ons was baie goed op die dag gewees. Ons het mooi rugby gespeel, dit was letterlik net een skop wat ons gesink het. Maar ek bly ongelooflik trots op die groep, as jy vat waar ons begin het, en waar ons geëindig het,” het Mighael de Beer, hoofafrigter van Volkies gesê.