Volgens ‘n Facebook-plasing wat hierdie week mense lekker laat lag het, is Potchefstroom nou by die see.

Mamane Aries, ‘n digitale skepper van Potchefstroom, het vandeesweek ‘n foto van ‘n plek by die see met die onderskrif “Ons pragtige Potchefstroom” geplaas.

Die plasing is vêr en wyd op al wat ‘n Noordwes groep is, gedeel. Mense het lekker gelag en gek geskeer op die plasings.

Barbara Ann Wessels het op Facebook gesê: “Weet jy Potch is in die binneland? Daar is nie ‘n oseaan nie.”

“Die 30% slaagsyfer se bewyse kom nou mooi uit. Sou die karakter dit nou waarlik glo? Hoop hulle gaan Desember almal Potch toe,” het Rossouw Leonie dLange Coetzee gesê.

“Wow, wanneer het die see sover binneland ingestoot. Het iemand dalk telefoon nommers van verblyf, kan sommer vinnig wegbreek vir ‘n naweek,” het Bonita Kleynhans op Facebook gesê.

Elize Le Roux Labusachagne het gesê sy trek sommer onmiddelik Potchefstroom toe.