Twee verdagtes is Saterdag 5 Oktober vasgetrek en 340kg dagga met ‘n geraamde straatwaarde van R5 miljoen is by hulle gekonfiskeer.
Brigadier Sabata Mokgwabone, polisiewoordvoerder, sê die verdagtes se bakkie is tydens ‘n poging om van dwelms in die Ikageng-gemeenskap ontslae te raak, deur polisie gestop en deursoek.
“Die twee se Toyota Hilux-voertuig is opgemerk, gestop en deurgesoek. Dit het gelei tot die ontdekking van sakke met meer as 340kg dagga met ‘n geraamde straatwaarde van R5 miljoen.”
Die beskuldigdes, Asiphe Nomde (32) en Mncedisi Mthunzini (41) is op ‘n waarskuwing vrygelaat ná hulle Maandag 7 Oktober in die Potchefstroom-landdroshof verskyn het.
Hulle sal weer Dinsdag 26 November 2024 voor die hof verskyn.
At Caxton, every story is written by humans. We use AI only to perform quality checks - never to generate the news. Happy reading!
