Op 26 Oktober 2024, omstreeks 18:55, het ‘n voertuig op die R501, ongeveer 10 km noord van Potchefstroom, op pad na Boskop, aan die brand geslaan. Volgens n ooggetuie het die vlamme vinnig versprei.

‘n Bestuurder wat op die R501 verby gery het, het Eric Stoch, Voorsitter van die Noordwes Sambreel Brandbeskermingsvereniging, onmiddellik gekontak. Stoch het gereageer deur die lede van die Potchefstroom Brandbeskermingsvereniging in die area en die plaaslike brandweerdiens te bel. “Ek is baie beïndruk met die toewyding en vinnige reaksie van die brandweer,” het Stoch gesê. “Hul reaksie het verseker dat die brand vinnig hanteer kon word, wat verhoed het dat die nabygeleë huis afbrand.”

Dit is egter jammer dat die voertuig heeltemal uitgebrand het. Die oorsaak van die voorval is tans onbekend. Stoch het aangedui dat verdere inligting later bekend gemaak sal word nadat ondersoeke afgehandel is.