Meer as 10 000 mense daag op in protes teen Bela-wetgewing

Flip Buys, voorsitter van die Solidariteit Beweging, sê die Afrikaanse gemeenskap moet sy stem laat hoor.

November 5, 2024

Tania Coetzee 1 minute read

Meer as 10 000 mense daag op teen Bela-wetgewing

Meer as 10 000 mense het vanoggend om 09:00 by die Voortrekker Monument in Eeufeesstraat, Pretoria bymekaar gekom in protes teen die Bela-wetgewing.

Die skare, almal geklee in oranje en wit, het in vrede vanaf die Voortrekker Monument na Freedom Park gestap waar die memorandum aan die regering oorhandig is. Verteenwoordigers die presidensie, van die departement van onderwys, sowel as as die minister was teenwoordig om die memorandum te ontvang.

Kallie Kriel, uitvoerende hoof van AfriForum, sê dit is die grootste optog van eie Afrikaanse gemeenskap sedert 1994.

“Mens raak ontsteld wanneer dit by mens se kinders kom. Los ons kinder suit. Los ons skole uit en los ons as ouers se magte in terme van beheerliggame uit.”