Dusty, die Wire Haired Terrier, wat 8 Januarie omstreeks 16:00 naby Vencedor Trailers, op die Vereeniging-pad naby Atlantic Oil weggeraak het, is gevind

Joanita Walstrand en haar gesin se harte was stukkend toe Dusty weggeraak het terwyl die gesin gaan kamp het. Hulle het alles net so gelos en teruggekeer huis toe om na haar te soek. Hulle het tot ‘n belonging aangebied vir die persoon wat haar veilig aan hulle kon terugbesorg.

Sy het vier weke vantevore kleintjies gehad.

Dusty is Vrydag, 10 Januarie in ‘n meerkatgat, waarin sy vasgesit het, gevind.

“Sy is agter ’n meerkat aan en toe kon sy nie omdraai nie en die ander kant van die gat het ’n groot klip op gehad,” vertel Joanita.

Werkers wat haar hoor blaf het, het haar uit die gat probeer uithaal, maar toe die gesin daar kom, het hulle gesê die klip is te swaar om te verwyder. “Toe het ons die klip gaan help aftrek met ’n voertuig.”

Dusty is met haar mense herenig en hulle het haar Vrydagmiddag veearts toe geneem waar alles in orde was.