Die woord Phrogging is ‘n Engelse term vir die daad om in die geheim in ‘n ander persoon se huis te woon sonder hul medewete of toestemming. Dit is iets wat deesdae meer algemeen voorkom as wat mens dink.

Dit klink soos iets wat net oorsee of in ‘n fliek kan gebeur, maar Phrogging word meer algemeen in Suid-Afrika. ‘n Geval wat grens aan Phrogging, het onlangs in Potchefstroom plaasgevind waar ‘n vrou vir dae sonder die eienaar se toestemming of medewete in ‘n huis gebly het.

Die oorsprong van die term phrogging is onseker. Sommige verduidelikings herlei die term na die woord padda (frog), wat beweer dat dit ‘n verwysing is na die feit dat ‘n persoon wat betrokke is by phrogging van plek tot plek kan “spring” (soos om te verhoed dat hy gevang word).

In 2019 is die film I see you uitgebring. Dit gaan oor Phrogging en is glo gedeeltelik op waarheid basseer.

In 2022 is die reek Phrogging: Hider in My House uitgebring. Dit beeld werklike verslae van phrogging uit.

Sekere webtuistes en YouTube videos gee tot raad oor hoe om onopgemerk in iemand anders se huis te lewe.

Dit wek ‘n vrees by mens wat jy nie eers geweet het moontlik is nie. Scelerofobie is ‘n intense vrees om ‘n vreemdeling in jou huis te hê. Dit is ‘n tipe fobie, wat ‘n angsversteuring is.

Tekens om voor uit te kyk:

• Vreemde geluide: Om voetstappe, krakende vloere, gedempte gesprekke of ander geluide te hoor, veral snags of in afgesonderde gebiede, wanneer niemand daar behoort te wees nie.
• Vermiste items: Kos wat teen ‘n ongewone tempo verdwyn, persoonlike besittings wat wegraak of op onverwagte plekke gevind word.
• Verplaasde meubels: Subtiele veranderinge in die rangskikking van meubels of versierings.
• Onverklaarbare steurnisse in ongebruikte ruimtes: Tekens van aktiwiteit in solders, kelders of ander areas waar jy selde kom.
• Troeteldiergedrag verander: Jou troeteldiere tree buitengewoon waaksaam of angstig op, veral wanneer jy nie daar is nie.
• Onverklaarbare tekens van besetting: Vind vuil skottelgoed, gebruikte toiletware of ander tekens van iemand wat in jou huis woon.

Wat om te doen wanneer jy vermoed iemand bly in jou huis:

• Gaan jou huis deeglik na: Soek moontlike wegkruipplekke, tekens van gedwonge toegang of enige ongewone items.
• Verhoog sekuriteitsmaatreëls: Sluit deure en vensters veilig, oorweeg dit om sekuriteitskameras te installeer.
• Praat met bure: Vra of hulle iets ongewoons rondom jou eiendom opgemerk het.
• Kontak die owerhede: As jy bekommerd is oor die veiligheid van jouself of ander, rapporteer jou vermoedens by die polisie.