Die munisipaliteit het Maandag, 24 Februarie sy sprekers kantoor, rampbestuur en stadsbeplanning geboue weens ‘n strukturele ineenstorting en nie-nakoming van wetlike voorskrifte, gesluit.

Die departement van arbeid: inspektoraat en toepassingseenheid het op 20 Februarie ‘n verbodskennisgewing aan die munisipaliteit uitgereik.

“Amptenare van die twee kantore sal tydelik na ‘n alternatiewe munisipale perseel verskuif word totdat die geboue veilig gemaak is om te gebruik. Verdere inligting oor die verskuiwing van die nuwe tydelike kantore sal mettertyd gekommunikeer word,” het Jeanette Tshite, munisipale woordvoerder in ‘n verklaring gesê.