Die plaaslike munisipaliteit het vinnig gespring nadat watermeters in verskeie gebiede in die dorp in die oggendure van 28 Mei gesteel is.

Die Herald het ‘n oproep gekry van water wat Woensdagoggend in Kockstraat spuit. Teen die Herald se aankoms op die toneel, was die munisipaliteit reeds besig om ‘n watermeter, wat glo omstreeks 03:00 gesteel is, te vervang.

Vroeër die oggend is ‘n gesteelde watermeter in Grimbreekstraat ook rapporteer.

Roelf van der Merwe van die munisipaliteit sê die meters word gesteel vir die geelkoper en dit word werlik ‘n probleem in die dorp.

“Meeste van die nuwe meters bevat nie eers meer geelkoper nie.”