Inwoners van Ventersdorp het op 3 en 4 November hul ongelukkigheid uitgespreek oor die gebrek aan munisipale dienste. Die gemeenskap is moedeloos en het glo nie meer vertroue in die munsipaliteit nie.

Verskeie inwoners het die strate ingevaar en betoog vir beter dienslewering. Die munisipale kantore is Maandag in Ventersdorp deur gemeenskapslede gesluit terwyl hulle antwoorde op voortdurende water- en kragprobleme geëis het.

Daar was glo ook sprake dat munisipale voertuie gebrand sou word indien hulle op die pad gevind is. Volgens Modise Molefe van Ventersdorp, is die munisipaliteit opdrag gegee om hulle voertuie teen 17:00 Maandag by die munisipale erf terug te besorg, anders sal hulle na bewering die risiko loop om verbrand te word.

Gemeenskapslede eis ook dat top munisipale amptenare na Ventersdorp kom om die blywende kwessies aan te spreek.

Die Herald het by die plaaslike munisipaliteit navraag gedoen, maar ten tyde die publikasie, nog geen terugvoer ontvang nie.