‘n Huis in OR Tambostraat het laat vanmiddag aan die brand geslaan nadat die weerlig glo ‘n boom buite die huis raakgeslaan het. Terselfdetyd het weerlig ook ‘n groep bome by Potch Girls High raakgeslaan, met die bome wat vlamgevat het.

Volgens owerhede op die toneel was weerlig glo die oorsaak vir die brand tydens vanmiddag se storm in Potchefstroom.

Die weerlig het ‘n boom buite ‘n huis in OR Tambostraat raakgeslaan en sodoende het gedeeltes van die huis ook vlam gevat.

Die brandweer sowel as weldoenders in die gemeenskap het hand bygesit om die brand onder beheer te kry.