Woel en Werskaf Kleuterskool spog vanjaar met ’n allemintige ses stelle tweelinge. Hierdie ongewone verskynsel bring nog meer boetie en sussie-vreugde na hierdie gewilde kleuterskool.

Al 12 van hierdie Woelies is gereed om 2026 hul beste jaar nog te maak.

Rhiano en Miharlie Schoenfeld, sowel as Isabella en Michaela Redelingshuys, is in Graad R.
Connor en Carter Verwey en Bernard en Amara Henning is in Graad RR, terwyl Zach en Jozelri Vosser en Liben en Niné Viljoen in Graad RRR is.

Hierdie tweelinge bring nie net dubbele glimlagte nie, maar ook ekstra energie, lag en lewenslus na Woelies.
Dit is vir die personeel ’n besondere voorreg om elke kind as ’n unieke individu te leer ken en te help groei in ’n liefdevolle en stimulerende omgewing.