Met 80% van die stemme verwerk, blyk dit dat die ANC weer die meerderheid in die stadsraad sal wees.
Dit blyk ook dat ʼn koalisie regering onwaarskynlik is. Die ANC het 56% van die proporsionele stem ontvang terwyl die DA 26% van dié stem gekry het.
Die EFF het 8.19%, Vryheidsfront 4.83% en die onafhanklike kandidate 3.21% van die proporsionele stem ontvang.
Die verskeie wyke is opgedeel tussen die DA en die ANC, waar dit lyk dat die ANC 24 wyke gaan gewen en die DA 10. Die Tlokwe/Ventersdorp stadsraad sal bestaan uit 68 setels, 34 vir proporsioneel en 34 vir die wyke. Dit wil sê dat dit blyk asof die ANC 43 setels in die raad sal hê, die DA 19, EFF 3, Vryheidsfront 2 en die onafhanklike kandidate 1.
Tot dusver is net 80% van die stemme verwerk.
