ʼn Man is Maandagoggend(29 Aug) omstreeks 01:30 in Ventersdorp in hegtenis geneem nadat polisie op hom en sy medeverdagtes afgekom het terwyl hulle glo besig was om die Exact winkel in Ventersdorp te beroof.

Volgens Kapt. Mvula Chaka, polisiewoordvoerder, kst. Motlhajwe en kst. Londt besig met patrollie in die middedorp toe hulle ʼn verdagte voertuig aan die agterkant van die winkel gesien het. Hulle het besluit om ondersoek in te stel. Die oomblik toe die polisiebeamptes naby aan die voertuig gekom het, het twee verdagtes uit die winkel uit gevlug. Twee ander verdagtes het uit die voertuig gespring en ook gevlug.

Een van die vier verdagtes is gevang, nadat die polisie die voertuig deursoek het, is daar verskeie elektroniese toestelle ter waarde van R150 000 gevind. Die verdagte is in hegtenis geneem op aanklag van die besit van vermoedelike gesteelde goedere. Later die oggend het die bestuurder van Russels diefstal vanuit die winkel kom aanmeld. Die gesteelde goedere is identifiseer as goedere wat by Russels gesteel was.