ʼn 27 Jarige man is gisteraand (25 Januarie) in die hospitaal oorlede na hy in ʼn kritieke toestand Potchefstroom hospitaal toe geneem is.

Die man is een van vier mense wat deur verskeie ambulansdienste hospitaal toe geneem is na twee voertuie gisteraand omstreeks 18:00 op die N12 tussen Potchefstroom en Klerksdorp met mekaar gebots het. Die voertuig waarin hy ʼn insittende was, het in die veld in gerol na die botsing waarna vier mense uit die voertuig geslinger is. Die drie ander pasiënte word steeds in die hospitaal behandel. Die insittendes van die ander voertuig wat betrokke was, het na bewering nie ernstige beserings opgedoen nie.

ER24, IMR ambulansdienste, Netcare 911 en die provinsiale ambulansdienste het die verskeie pasiënte vervoer.