‘n Verdagte is vanoggend (23 Maart) omstreeks 08:00 tydens ‘n plaasaanval naby die Skandinawiëdrifpad dood geskiet.

Volgens Kol. Pelonomi Makau, polisiewoordvoerder, het  die bediende en haar seun drie verdagtes op die werf gewaar. Hulle het glo dadelik na die huis toe gehardloop, maar die verdagtes het daarin geslaag om die deur oop te forseer.

Die eienaar van die plaas, ‘n 72 jarige man, het reageer op die bediende se gille waar hy in een van die verdagtes vas geloop het.

” ‘n Struweling tussen die eienaar en die verdagte het ontstaan waarna die verdagte noodlottig beseer is. Die ander verdagtes het gevlug,” het Makau gesê.

Die verdagte se vuurwapen is op beslag gelê. Paramedici van ER24 het die verdagte dood op die toneel verklaar, die eienaar het ligte beserings opgedoen.

Die bediende en haar seun is behandel vir skok.