Die Valke het vanoggend (8 Maart) by die premier van die Noordwes, Supra Mahumapelo, se kantoor opgedaag met ‘n lasbrief om die kantoor te deursoek.

Volgens kapt. Tlangelani Rikhotso, streekswoordvoerder van die Valke, is hulle tans besig met ‘n ondersoek na beweerde korrupsie en bedrog in die premier se kantoor.

Sy kon nie dadelik meer inligting bekend maak nie.

Mahumapelo en sy kantoor moes onlangs taai vrae van die komitee van openbare rekeninge in die provinsie (SCOPA)  beantwoord oor die provinsie miljoene rande in onreëlmatige uitgawes aangegaan het. Vrae is gevra rondom die aankoop van mobiele klinieke vanaf ‘n maatskappy gekoppel aan die Guptas en die aanstel van ‘n IT maatskappy wat miljoene rande gekos het maar dat die provinsie nie veel het om daarvoor te wys nie.

Die Premier sowel as senior bestuurders was glo nêrens te sien tydens die klopjag nie.