Koperpypdiefstal is iets wat al ‘n geruime tyd in Promosa en omliggende areas plaasvind.

Die afgelope week het die ATKV AbbAsorg kleutersentrum ook onder van hierdie misdade gebuk gegaan toe koper geiserpype van die gebou se dak af gesteel is.

Volgens Elsie Helberg, sentrumhoof van ATKV AbbAsorg in Promosa is die koperpype Vrydag, 19 Augustus gesteel.

“Alles was papnat nadat die pype uitgeruk is. Dit het gebeur na betogings verlede Woensdag. Die heining is gebreek, so dan kry mense toegang om die koper te steel. Ons het ook nie krag gehad nie,” noem sy. Helberg het ook genoem dat die munisipaliteit se elektriese afdeling Dinsdag, 23 Augustus kontak gemaak het en op die perseel was om die krag te herstel.