Die vroueliga van die Patriotic Alliance van Wyk 21 het Vrydag, 26 Augustus ‘n spesiale bederfdag vir bejaarde dames in die area aangebied.

Suster Nola Petersen, stigter van Safe Haven Age Care Facility in Promosa, het haar fasiliteit vir die bederfsessie aangebied. ‘n Heerlike ontbyt het die dag op die regte manier begin. Daar was ook ‘n gasspreker, Susen Rood. Ses dames het die oumensies se hare en naels gedoen om hulle spoggerig te laat lyk. “Ons het vir elkeen ‘n mandjie gegee wat ‘n verskeidenheid happies bevat het,” het die leier van die PA se vroueliga, Debbie Beukes, genoem. Dit hooffokus van die oggend was om op die oumense te fokus wat nie aan enige klubs in Promosa behoort nie,” sê Beukes.

Foto’s: Verskaf