Ongeveer 50 betogers van ‘n plaaslike sakeforum is tans voor die NWU Potchefstroomkampus se hoofhek in Hoffmanstraat waar daar weer kapsie gemaak word glo rakende boukontrakte op kampus. 

Volgens NWU woordvoerder, Louis Jacobs, is die situasie tans onder beheer en is daar geen skade aangerig nie.

“Voertuie kan nie die hoofhek gebruik nie, maar voetgangers kan steeds van die hoofhek gebruik maak,” noem hy.

Jacobs voer ook aan dat daar na verlede Woensdag, 21 September se vergadering tussen die universiteit en lede die sakeforum ooreengekom is dat daar terugvoer eers op Donderdag, 29 September verskaf sal word.