Die Brotherhood Motorfietsklub het op Sondag, 16 Oktober, ‘n groot verskil in die dag van inwoners van Amelia Nasorgsentrum gemaak met hulle teenwoordigheid.

Brotherhood het as deel van hul liefdadigheidsprojek betrokke geraak by Amelia Nasorgsentrum. Almal het die dag saam baie geniet van smaaklike worsbroodjies braai tot saam vriendskaplike netbal speel.

Brotherhood het saam met die publiek hul harte oop gemaak deur kontant, klere en voedsel te skenk aan hierdie sentrum.

“Die Brotherhood Motorfietsklub bedank vir  Amanda Kandilanaptis, Hendry Swanepoel van H&S Electrical, Anton Mostert van Corner Butchery Baillie Park, Renier Ferreira van Twizza en elke Brotherhood-lid wat die dag saam met Amelia Nasorgsentrum se inwoners spandeer het,” noem Nadine Venter van die Brotherhood Motorfietsklub.