PAWS bied kompetisie aan as deel van Fun Day verrigtinge
Potchefstromers het nog kans om vir die volgende twee weke ook aan die Paws-kompetisie deel te neem en top pryse te wen.
Die Paws Fun Day op Saterdag, 3 Desember, was ‘n prettige samekoms waar alle aktiwiteite en kompetisies ten bate van Potchefstroom Animal Welfare Society was.
Canine Focus SA was ook deel van die dag se aktwiteite en het ‘n spesiale hondevertoning aangebied en het ook vir honde eienaars geleentheid gegee om hulle honde se vaardighede te toets.
Daar was verskillende kompetisies soos die sketskompetisie waar deelnemers hulle diere kon skets en pryse vir hulle kreatiwiteit gekry het.
Amelia Gouws behaal ‘n eerste plek, Gezelle Kirsten ‘n tweede en Lerina Marais neem die derde plek.
Potchefstromers het nog kans om vir die volgende twee weke ook aan die Paws-kompetisie deel te neem en top pryse te wen.
- Inskrywings is R 20.
- Die eerste prys is ‘n geborgde aanneming wat R2 000 werd is.
Die tweede prys is ‘n vistenk ter waarde van R1 200.
Deelnemers moet die volgende drie vrae beantwoord:
1. Hoeveel katte is daar in hokke by Paws?
2. Hoeveel honde is daar in hokke by Paws?
3. Hoe oud is Paws?
Inskrywings kan by PAWS ingehandig word.
