19 April 1944 – 13 Januarie 2023:

Ons geliefde pa, oupa, eggenoot en vriend

“Stil, broers,

daar gaan ‘n man verby,

hy groet,

en dis verlaas.”

Hy sal vir sy mooi glimlag, laggie, gekskeerdery, grappies, omgee en goeie raad onthou word.

Hy was reguit en regverdig. Almal het hom so geken en presies geweet waar hulle met hom staan.

Dankie vir almal se boodskappe, liefde, oproepe en ondersteuning gedurende hierdie moeilike tyd. Dit word opreg waardeer.

Sy afskeidsdiens vind Saterdag, 21 Januarie om 11:00 vanuit die AP Kerk, Walter Sisulu Laan 371 (Kerkstraat) in Potchefstroom plaas.