Drie mense is beseer nadat daar gistermiddag (Saterdag, 8 April) ‘n botsing tussen twee voertuie op die N12, ongeveer 5 km vanaf Potchefstroom in die rigting van Klerksdorp, plaasgevind het.

Die ongeluk het omstreeks 13:40 gebeur.

ER24 nooddienste het die drie pasiënte na ‘n plaaslike hospitaal vervoer.

Op dieselfde pad, ongeveer 3km vanaf Potchefstroom, het daar op Vrydag, 7 April ook ‘n ongeluk plaasgevind om 20:20 in die aand. ‘n Voertuig het gerol en die twee insittendes is per EMRS-ambulans met geringe beserings na ‘n plaaslike hospitaal vervoer.

Mooirivier First Responder was ook op altwee tonele teenwoordig.