Legendariese Potchefstroomse geneesheer oorlede
Een van Potchefstroom se bekendste geneeshere, dr. Leslie Skead, is op Woensdag, 31 Mei op die ouderdom van 92 oorlede.
Een van Potchefstroom se bekendste geneeshere, dr. Leslie Skead, is op Woensdag, 31 Mei op die ouderdom van 92 oorlede.
Dr. Skead was al sedert 1999 afgetree, maar sy nalentenskap in Potchefstroom is een wat vir generasies nog sal voortleef.
Talle Potchefstromers onthou nog vir dr. Skead wat in sy tyd as praktisyn talle huisbesoeke meegemaak het, en oor die 3 000 babas gevang het, onder vele ander fasette van sy beroep waar hy ‘n daadwerklike verskil in mense se lewens gemaak het.
Dr Skead se spreekkamers wat in James Morokalaan (ou Lombardstraat) by ‘n daghospitaal waar hy vanaf 1961 tot 1997 gepraktiseer het. Vanaf 1997-1999 het hy by MediCross aangesluit.
Skead was met die liefde van sy lewe, Neelsie van Schalkwyk tot en met sy afsterwe getroud. Hulle was vir 67 jaar getroud.
Hy was ook ‘n handige man en ‘n groot passie vir ou motorkarre, veral Ford’s, gehad.
“Ek het net van kleins af ’n liefde gehad om te weet hoe werk ’n ding. As ons ou Ford-bakkie gaan staan het my pa my kom haal en my met my gereedskapkis en al by die bakkie gaan aflaai en ek het dit reggemaak,” het hy in ‘n onderhoud met Lennie Gouws in 2022, vertel.
Hy laat sy vrou, Neelsie, en twee kinders, Lennard en Melanie, agter.
Lees meer hier oor Dr. Skead se lewe in ‘n onderhoud wat Lennie Gouws met hom in 2022 gevoer het.
