Drie ernstig beseer na motorongeluk

‘n Ernstige motorongeluk het Woensdagaand (27 September) omstreeks 22:39 op die hoek van die R53 (Paryspad) en Wynnestraat plaasgevind.

‘n Bakkie en ‘n swaar motorvoertuig het teen mekaar gebots. Een van die drie pasiënte wat in die ongeluk beserings opgedoen het is in ‘n kritieke toestand na die hospitaal vervoer. Die ander twee is ook op die toneel behandel.

Die Tlokwe brandweer was ook op die toneel en het toerusting gebruik om een passasier uit die voertuig te haal.