Herstelwerk begin by Chris Hani pompstasie

Chris Hani Pompstasie funksioneer al vir ‘n paar jaar nie op volle kapasiteit nie. Die pompstasie het twee stukkende pompe as gevolg van onder andere infrastruktuur instandhouding wat nie plaasgevind het nie.

Heinricha Hodgson, wyksraadslid van wyk 5 het voorheen gesê dat nuwe pompe al ‘n wyle terug aangekoop is, maar installasiewerk is nie begin nie omdat diensverskaffers nie betaal was nie.

Hodgson sê dat herstelwerk nou begin het. “Ek was by die pompstasie. Die werk het begin. Hulle behoort binne twee weke klaar te wees met die installasie van 2 nuwe pompe,” sê Hodgson.  Hodgson vertel verder dat JB Marks munisipaliteitswerkers saam met ‘n kontrakteur die werk doen.