Lekwena Volmaanstap
Organiseerder noem dat die Lekwena volmaanstap 'n sukses was.
Lekwena se jaarlikse Volmaanstap het in bloedige hitte afgeskop.
Die stap het Vrydag, 27 Oktober plaasgevind en word aangebied om fondse in te samel vir Potchefstroom Dienssentrum vir Bejaardes. Mense het in hul getalle opgedaag om die dienssentrum te ondersteun en ‘n sonsak in die veld te aanskou.
‘n Rustige atmosfeer het die laatmiddag omring waar stappers kon ontspan en die natuur waardeer.
Gesinne en vriende het die 10 km stap aangepak met glimlagte en geselsies.
“Die weer het mooi saam ons gespeel en ons het oor die 300 mense gehad wat gestap het en saam vriende en familie die aand kon geniet het,” sê Crystal Wilson, Engel & Völkers Potchefstroom.
Almal het uitgesien na pannekoek en koffie wat op die halfpad-merk geniet is.
Die aand was aangebied deur Engel & Völkers Potchefstroom, Als Group, Lekwena Wildlife Estate en Potchefstroom Dienssentrum.
