Charlize Ashurst (22) is sedert 22 Julie 2024 in Potchefstroom vermis.

Lulu, soos wat sy deur haar familie genoem word, het vanaf Wolmaransstad na Potchefstroom toe gereis om by vriende te gaan kuier. Haar ma, Thalita Ashurst, het nog nie weer van haar gehoor nie.

Thalita sê sy het na die polisie gegaan om Charlize as vermis aan te meld, maar die polisie vereis ‘n gedrukte foto wat sy nie tans het nie.

“Sy is die 22ste omstreeks 18:30 by die Engen vulstasie en Baillie Park Spar in Potchefstroom saam met ‘n man wat neute verkoop gesien. ‘n Kennis het tot daar gegaan om haar te gaan soek, maar sy was reeds weg. Sy het ook nie na Wolmaransstand teruggekeer nie.”

Charlize het ten tyde van haar verdwyning ‘n blou broek en ‘n swart baadjie aangehad. Indien enigiemand weet waar sy haarself bevind, kan Thalita by 074 637 1099 geskakel word.