Die opgewondenheid is tasbaar by stemlokale in Potchefstroom waar kiesers vandag in groot getalle opgedaag het om hul kruisies tydens die 2026 plaaslike regeringsverkiesing te trek.

Dit is ’n besige verkiesingsdag in die dorp, met lang rye wat by verskeie stemlokale gevorm het. Ten spyte van die wagtye blyk dit egter nie die kiesers se geesdrif te demp nie.

Die meeste kiesers met wie daar gesels is, het aangedui dat hulle nie langer as ’n uur hoef te wag om te stem nie.

Hoewel die warm weer vir sommige ’n uitdaging kan wees, heers daar oor die algemeen ’n goeie gees onder die mense wat geduldig in die rye staan.

Kiesers het gesê hulle hoop om verandering te sien en dat dit vir hulle belangrik is om hul stem te laat hoor oor die toekoms van hul gemeenskappe.

Die opgewondenheid in die lug is duidelik, met mense wat ondanks die hitte en wagtye hul beurt afwag om aan die demokratiese proses deel te neem.

Stemlokale is vandag vanaf 07:00 tot 21:00 oop. Kiesers moet by die stemlokaal waar hulle geregistreer is, stem en hul geldige identiteitsdokument saambring.

Die plaaslike regeringsverkiesing gee inwoners die geleentheid om te besluit wie hulle op plaaslike en distriksraadvlak gaan verteenwoordig en watter rigting hul gemeenskappe in die komende jare gaan inslaan.

Kyk na die fotos hier: